撰文：Gloria Wong 

從天主教小學校、基督教中學，到演藝學院，嘉明曾經和神有過一段親密關係，之後種種原因又與神疏遠，早前她以嘉賓主持身份，隨攝影隊到過土耳其，為福音機構拍攝「七教會」之旅，她說走這一趟，生命像打了一支強心針。

 

「神真係好奇妙！一決定要去土耳其，一切都非常順利，聽眾日日聽你節目，喺電台一日唔見人都會好覺，莫講話請兩個禮拜假，但一講話幫福音機構做嘢，老細通通冇問題，大家都好支持，家姐仲自費跟埋一齊去。」

 

十一日土耳其「七教會」之旅，嘉明說難忘事一大埋，其中要數攝製隊有一次拍攝音樂MV的奇妙經歷。

 

話說這次行程除了拍攝七教會，攝製隊還替高皓正拍video。那日，一行人到了一個叫撒狄的地方，天氣又熱又曬，好不容易拍攝完畢，大伙兒又渴又攰，上了旅遊巴士，便很想回酒店休息。

 

忽然導演叫停車，決定在一條很普通的街上繼續拍攝，當阿正一個人走在街上，突然有一班背著結他的樂手走過，並主動提出一起jam歌。

 

大家心想：「你請都請唔到咁好嘅臨記，如果我哋返咗酒店瞓覺，就冇咗一班咁好嘅樂手友情客串。」

 

「神實在太聰明，我哋估佢唔到，太勁嘞！」

 

這事令嘉明學到，有時我們不知道神會藉一些事去成就甚麼，但當你百分百肯定要做那件事，就要全情投入去做吧！

 

 

另一看旋轉舞的行程，令嘉明別有一番體會。

 

當看過背景資料，嘉明知道原來土耳其人跳旋轉舞，是透過不斷高速轉圈，與他們的神通靈，她看後心裡感到很不舒服。

 

 

 

「我哋嘅神太好嘞，唔需要做任何形式，只要雙手合什，閉上眼睛便可以同神溝通，我覺得咁樣先至係愛子民囉！」

 

土耳其的國教是回教，人民沒有選擇的權利，這讓嘉明想到，傳福音很重要，作為基督徒，最大的使命是讓人認識真神。

 

 

整個行程讓嘉明最大的反思是，今日所擁有的東西，無論多麼裝潢華麗，其實都是帶不走，怎樣保證可以回到天家，嘉明心裡有個願望，希望媽媽早日信主。

 

聖經說：「當信主耶穌，你和你一家都必得救。」（使徒行傳16章31節〉

 

「我和家姐都信主，咁唔係有double嘅功力咩！」嘉明相信。

 

 

 

出完trip之後，一班團隊成了好朋友，甚至一起查經，有時到嘉明家小聚，嘉明媽媽還親自煮麵給他們吃，家庭式的聚會，大家感覺很親密，好似一家人，嘉明很希望可以感染媽媽。

 

回到工作崗位，嘉明竟發現起了微妙變化，節目中一位拍檔回轉到神身邊。

 

「神原來做緊嘢，成件事可以接軌，返嚟之後繼續有弟兄姊妹喺身邊支持我，以前做節目我哋講無聊嘢，講爛gag，但而家有新話題，佢話帶我返聚會，仲話比我聽，原來港台有團契，我地一齊返吖！你話奇唔奇！」（三之二）