撰文：Gloria Wong

基督徒經常問：「到底乜嘢先至係神嘅心意？」Leo在這段不知要往甚麼地方去的時候，試過SMS問一位當年一起決志信主的弟兄，那弟兄說：「你有冇諗過上帝跟本唔會比你旨意？」

他的意思是說，只要相信上帝帶領，跟著行便是了，祂自然會繼續track你行。「係放低自己，完完全全交畀上帝，如果你搏命攬住自已要嘅嘢，上帝畀旨意你，你都聽不到。」

那時母校一位老師送了他一本書《堅持一生的道路》，作者原本家庭美滿，太太和子女因為交通意外過了身。每當遇到人生一些轉變，人總會問上帝：「到底袮想我點樣？」後來作者慢慢參透，其實信了上帝並不代表沒有突如其來的轉變，亦並非沒有意外，有一件事很重要，是回到聖經尋找旨意。

「其實上帝的旨意好簡單，你做這份工有冇好好盡忠、有冇傷害其他同事、我哋要做到唔好怕蝕底、不計算人的惡、做一個義人，當你連自已崗位都冇做好，你問上帝，我應該點行，我應該做邊份工才最合你心意，似乎有點本末倒置！」

就算上帝現在給他一份很適合的工作，如果他行不出上帝的形象……Leo明白到「每一日過好生活，已經係上帝嘅旨意。」

Leo之後不再刻意問上帝到底要他怎樣行，他反而會檢視自己每一日過得怎麼樣？

如果說人生有很多checkpoint，這一次的經歷是其中一個重要checkpoint，讓他在人生路上重新出發。

離開商台之後，Leo有兩個月安靜時間，讓他學習放下自己的執著。「當你被呢樣捆綁自己，你會很責備自己，好似有人拉住你隻腳，令你唔能夠撲去攬著上帝！」

Leo說之前他對人很苛刻，總是要求別人要做到自己的標準。「態度總之係差，你對人黑臉，人地都會黑臉對你，慢慢有個傷害係度，搞到關係唔係咁好。」

Leo離開商台後，有一次偶遇一位舊拍檔，Leo找了個機會坐到他身邊，並說了一聲：「唔好意思，可能以前自已太過執著。」

「同上帝搞完一大輪之後，我發現其實放低一樣嘢唔係咁難，當你放低嘅時候，好簡單，就好像你扔個波出去，你接住咗，就唔會再彈嚟彈去，但呢個動作好難靠住自己做，係要你同上帝一齊去行，等上帝去幫你放低自己。」

最近，他又開咪兼做一個全新節目，對象是年青夫婦，邀請專家分享教子心得。 

「我以前做搞笑嘢cracy嘅節目，而家好似突然做兒童節目，但我欣然接受，我覺得唔緊要，有乜所謂，以前好執著，我一定要做呢類型、呢些節目，我而家冇所謂，唯一仍然執著係我唔想節目consume我太多時間。」（三之三完）