撰文：Gloria Wong 

兩前年，Leo一直腦海在想，要不要離開做DJ的全職崗位，今年三月，Leo心裡帶著一份感動，加上衝動，便遞上辭職信，結束「喪Do 男」生涯。 

公司久不久調動節目，Leo接到通知要調去做另一類型的節目，他說心裡是不太願意。 

「果一刻我最大嘅感受係，就算你之前build up幾多嘢，當要攞走，或者要你冇嘅時候，其實你都可以隨時冇，係咪時候要諗清楚，就趁住呢個機會轉變一下呢！」 

當時有一位屬靈長者和他一起查經，有一段經文經常不斷提醒他：「凡勞苦擔重擔的人可以到我這裡來，我就使你們得安息。」（馬太福音十一章廿八節）Leo以前也曾查過，他這次有全新的體會。 

「唔係你做嘢有幾咁辛苦，係你畀一啲嘢捆綁住，例如你畀份工作、成就、讀書、女朋友捆綁住，成為你的重擔，咁你可以點解決？重點係『到我這裡來』，你肯唔肯返去上帝身邊，畀佢幫你，放低呢樣嘢呢！」 

當他鼓起勇氣決定離開後，其實亦經歷一番折騰，公司挽留？自己放手？就在去與留之間，他經歷情緒波動。 

「當我最辛苦，離開商台的一刻，我記得有一次返崇拜，一唱到詩歌，眼淚唔停咁流，我平日都唔會喺公眾地方喊，那一刻我覺得上帝正在安慰我，好真實！好感動！」 

到最後，他才明白到初時決定要走，的確帶有多少是失望離去，心裡並不甘心，但上帝是要他甘心樂意放下工作。 

「我見到件事就係，我相信神會保守住，去到最後上帝都會Track你去一個最好嘅答案，可能未必即時有答覆。」 

解開心結後，Leo接下來又要面對另一問題，到底要行去邊呢？「好似你突然行出了門口，你看見汪洋大海，或者一遍沙漠，唔知去邊個方向？」

之後兩個月時間，Leo報讀了播道神學院七堂「生命的改造與檢視」課程，又去宣明會做義工，希望讓自己安靜，好好反省，更多明白神的心意。

那段時間我很喜歡聽一首歌《You raise me up - Secret Garden》，「歌詞很配合我這次嘅經歷，很多時我地很執著，其實只係一場夢咁短嘅時間，只要你有上帝，其實你行去邊都冇所謂，祂自然會帶你行，你唔需要執著，唔需要去求乜嘢！」

回到祂身邊，便可以重新得力。

Leo現已由全職DJ轉職當項目總監，專門搞Project。（三之二）