撰文：Gloria Wong

MC JIN最近與關心妍〈Jade〉合作做了一首福音歌 －〈世紀之初〉，由Jade主唱，MC JIN在其中rap了兩段，憑歌寄意：「我依家就用呢段Rap做個反省，係人都會做錯嘢，最緊要係認……」（〈世紀之初〉歌詞） 

MC JIN一再提到他正在打一場仗，他需要認錯，需要改變。 

「人生咁多壓力，你叫我點樣面對，所以晚晚出去蒲，將自己灌醉，飲多兩杯，己經乜嘢都唔知，冇晒知覺，唔知發生乜嘢事……」（〈世紀之初〉歌詞） 

這一年來，現實中的MC JIN，離不開去蒲，誘惑總是躲不了。 

「飲酒和未飲酒，分析能力好大差別，我知道飲了之後嘅後果，所以喺我嘅世界，冇話飲少少呢樣嘢……我而家會好alert，唔係alert一啲，係特別alert！」 

MC JIN說，最近他經常向人分享：「如果我繼續一腳一腳愈踩愈深，遲早有一日會出事。」 

「你可能出去繚女仔，繚錯咗，最後搞出個大頭佛。」 

「我肯定係魔鬼喺度做緊嘢，唔係佢，仲有邊個啫！佢會搵每一個人嘅weakness。」 

點避免？ 

MC JIN知道靠自己不行。「如果真係要克服，要靠神。」 

在JIN生命裡，目前有一件很重要的事，就是每星期去LIGHT CLUB，可以和一班藝人朋友唱詩，祈禱，守望生命。 

「我想像如果我生命中連呢樣嘢都冇，我會更加慘！」這些包括身邊關心和愛他的人，還有工作，都令他有更多的提醒和反省。

最近一個月，不知怎的？JIN接了特別多正面的工作，例如：叫年青人不要吸毒、不要飲酒、不要行差踏錯……「我覺得神救梗我條命！」

JIN不想講一套，做一套。「冇理由叫小朋友行差踏錯，但自己又做。」 

他在香港朋友不多，但認識了三幾個死黨，都在打同樣一場仗。「神想我哋互相幫忙大家。」有些甚麼以前做過的，現在不再做，如果控制不了，就索性不要出去玩。

「我知道神仍然祝福我，畀咁多恩典我，咁錫我，咁愛我，放咁多好嘅嘢喺我生命入面，佢冇放棄我，我自己都唔想放棄！」（三之三完）